مساؤكم شعر وإبداع .. هذه بعض المقاطع الشعرية من ديواني (على ضفاف الحب) .. لعل من بينكم من لم يطلع عليه .. لذا أحببت أن أضعها بين أيديكم .. علّها تصل إلى ذائقتكم النقية .. وللجميع تحيتي
(1)
وينك .. طلبتك .. لا .. تردين .. رجواي
أبيك .. حالا .. لا .. تزيديــن .. ضيقــي
البارحه .. طفتي .. "حلم" .. جمّع .. أشلاي
واليوم .. ودّي .. لو .. أشوفك .. "حقيقي"
(2)
لي .. قلت .. أحبك .. ضاق .. بحروفي .. الكون
يا .. كيف .. ألاقــي .. كــون .. يوسع .. لحبـــك
ودي .. أضمّــك .. بس .. ما .. عارف .. شلون
أصـــلا .. تـخـيــل .. قـلـبـك .. يـضـم .. قـلـبــــك
(3)
شكرا .. جرحــت .. الـــروح .. فينــي .. وروحت
شكرا .. تركـت .. سنـيـــن .. عـــمــري .. حزينــه
كنت .. الحنان .. اللي .. حوى .. القلب .. وأصبحت
الهاجــــس .. الـــلــي .. أرّقـــتـــنــي .. طـعــونــه
(4)
ايه .. أجيلك .. لو .. على .. أكتافي .. حمول
بعـــد .. داري .. مــا .. يـغـيّــر .. مـوقـفــــي
مـو .. مهمـه .. شوفتــك .. لـو .. ما .. تطول
الأهـــــــم .. مـحـبـة .. الــقلــب .. الوفــــي
حطّي .. راسك .. واسمعي .. صدري .. يقول
إيه .. أحبك .. حب .. في .. قلبي .. خفي
يا .. حياتـــي .. كــل .. حب .. وله .. أفول
غير .. حبّـــك .. شمعتـــــه .. ما .. تنطفـــي
لو .. يمر .. الوقت .. وتطول .. الفصول
مستحيـــل .. أمــلّ .. منــك .. واكتــفـــي
(5)
رائعه .. صدقيني .. مثل .. كل المواسم
تشبهي في حضورك .. كل جوٍ بديـع
نحرك الثلج الأبيض .. ثغرك الغيم باسم
حضنك الصيف دافي .. وبخدودك ربيع
(6)
صاير .. أناديلك .. وأنا .. وسط أهلي
أضحك .. وأكلمهم .. كأنك .. معاهـم
مدري .. بسبب حبك .. أنا ضاااع عقلي
ولا .. غلاك .. أصبح .. يساوي غلاهم
ما شفت .. عاشق .. هزّه الحب .. مثلي
حتى .. معا نفسه .. يحس .. بهواهم
(7)
لا لا تنادي .. لا تدوّر .. حواليك
آنا .. اذا ماْ احتجتلي .. كنت ويّاك
طالع بقلبك .. لا تطالع .. بعينيك
آنا وسط روحك .. وداخل خلاياك
(8)
أتعمد أنساك .. لأجل .. أشتاق وأرجعلك
ونشوة العمر عندي .. لحظة رجوعك
مو بس ايدي .. وعيني .. يشتهو وصلك
حتى ضلوعي .. ترا .. تشتاق لضلوعك
(9)
يا أقرب الناس .. "كثر الناس" .. محتاجك
وأنتي أحسبيْ الناس .. يطلع لك كثر شوقي
روحك سراجي .. وأنا محتاج .. لسراجك
العمر ظلمه .. بدونك .. وانتي شروقـي
الثلاثاء نوفمبر 25, 2008 6:38 pm
